耶穌至好朋友

至好朋友就是耶穌，祂永遠在咱身邊，
當咱憂悶心煩惱，厭倦失志將跌倒，黑暗驚惶四面包圍。
咱當永遠相信主會光照咱，照明咱的路，用祂的愛賞賜你與我。
咱若行在歪斜之路，耶穌會來引導，咱著跟隨祂的腳步。
在咱的所行所做，祂要引導咱，永遠是咱獨一至好的朋友。
至好朋友就是耶穌，擔當罪過與煩惱。的確不可驚惶失志，萬事祂攏會看顧。
咱若懇求祂的赦免，祂會用愛來包圍。至好朋友就是耶穌，祂永遠在咱身邊。咱身邊。
當咱路途愈崎嶇，需要有人來信靠，重擔如黑雲罩落來。
耶穌要牽咱的手，祂知咱欠缺，祂要永遠保守看顧咱。
當咱遇到試驗之時，祂會施恩賜福，用祂的愛來包圍咱。
當咱失志心驚惶，咱可求告祂，祂是至好朋友，永在咱身邊。
至好朋友耶穌永在咱身邊。